Nyuma y’inkuru yabayeho mu minsi ishize y’iyegura n’iyeguzwa ry’abayobozi b’uturere, kuri uyu wa Gatanu tariki ya 27 Nzeri 2019, hatowe ababagiye kubasimbura kuri myanya.

Musanze: Nuwumuremyi Jeannine, wari umuyobozi mu kigo cy’igihugu gishinzwe iterambere ry’ubihinzi n’ubworozi RAB, ishami ry’Amajyaruguru rikorera mu karere ka Musanze, niwe watorewe kuyobora aka Karere.

Kamanzi Axelle, yatorewe kuba umuyobozi w’Akarere wungirije ushinzwe imibereho myiza y’abaturage, naho Andrew Rucyahanampuhwe atorerwa kuva Visi Meya ushinzwe iterambere ry’ubukungu.

Nuwumuremyi Jeannine yagize amajwi 198 atsinda Niyibizi Emmanuel wagize 72 mu gihe imfabusa zabaye ebyiri.

Muhanga: Kayitare Jacqueline niwe watorewe kuyobora aka Karere n’amajwi 166 kuri 227,  Barayavuga Jean Paul wamuguye mu ntege agira 59.

Meya Kayitare Jacqueline

Ngoma: Mapambano Nyiridandi Cyriaque niwe utorewe kuba Umuyobozi wungirije w’Akarere ka Ngoma, ushinzwe iterambere ry’ubukungu, n’amajwi 181/246

Visi Meya Nyiridandi Cyriaque

Rubavu: Nzabonimpa Deogratias niwe watorewe kuba Umuyobozi wungirije w’Akarere ka Rubavu ushinzwe iterambere ry’ubukungu ku majwi 192 kuri 47 y’uwo bari bahanganye kuri uyu mwanya.

Ishimwe Pacifique niwe watorewe kuba Umuyobozi w’Akarere wungirije ushinzwe imibereho myiza y’Abaturage ku majwi 216 kuri 19 y’uwo bari bahanganye kuri uyu mwanya.

Visi Meya, Ishimwe Pacifique

Nyamasheke: Mukamasabo Appolonie w’imyaka 41 y’amavuko ni we watorewe kuba Umuyobozi w’aka Karere, akaba yari asanzwe yikorera ku giti cye, ari n’umuyobozi w’urugaga rushamikiye ku muryango FPR/Inkotanyi muri aka Karere.

Meya Mukamasabo Appolonie

Mukamasabo afite impamyabushobozi y’icyiciro cya 3 cya kaminuza mu bijyanye n’icungamutungo. Mbere yo gutorerwa kuba umuyobozi w’aka karere yabanje kurahira nk’umujyanama mushya muri Njyanama y’akarere ka Nyamasheke uhagarariye umurenge wa Ruharambuga.

Ngororero:  Mukunduhirwe Benjamine, yatorewe kuva Visi Meya ushinzwe imibereho myiza y’abaturage akaba yari asanzwe ari Umunyamabanga Nshingwabikorwa w’umurenge wa Hindiro.

Visi Meya Mukunduhirwe

Uwihoreye Patrick w’imyaka 40 wari umunyamabanga Nshingwabikorwa w’Umurenge wa Gatumba, yatorewe kuba Visi Meya ushinzwe Iterambere ry’ubukungu.

Karongi: Mukarutesi Vestine niwe watorewe kuyobora aka Karere, Niragire Theophile ni Visi Meya ushinzwe Ubukungu naho Mukase Valentine atorewe kuba Visi Meya ushinzwe imibereho myiza.

Meya Mukarutesi 

 Meya Mukarutesi Vestine

Love this post? share among your friends
  •   
  •   
  •   
  •   
  •  

Leave a Reply

avatar
  Subscribe  
Notify of
Close Menu

Twandikire