Dusubize amaso inyuma: Allioni umwe mu bakobwa bamaze igihe mu muziki yaraguye ntiyarambarara

Dusubize amaso inyuma: Allioni umwe mu bakobwa bamaze igihe mu muziki yaraguye ntiyarambarara

Uko imyaka ishira ni ko uruganda rw’imyidagaduro mu Rwanda rwiyubaka. Kimwe n’izindi nzego z’ubuzima ab’igitsinagore bakora umuziki ni bacye mu bukangurambaga butandukanye basabwa kwitinyuka kugira ngo nabo bagaragaze ko bashoboye.

Hari igihe cyageze umuziki w’u Rwanda ugira umubare w’ab’igitsinagore usatira uwa basaza babo. Ntawushobora kwirengagiza ikuzo Miss Jojo, Queen Ali n’abandi bahesheje umuziki nyarwanda n’ubwo baje kuwucumbika.

Bamwe baraguye ntibeguka abandi bizirika ku muziki kugeza n’ubu barimo umuhanzikazi Allioni. Umwana wavutse mu 2011 ubu yujuje imyaka 8 y’amavuko ntiba nibeshye yakoze n’ibirori byo kwizihiza uyu munsi udasanzwe w’amavuko, na Allioni ni uko!

Imyaka umunani si micye Allioni akotanira mu kibuga kimwe na basaza be bamurusha urutugu. Allioni Buzindi w’imyaka 24 ni umukobwa w’inzobe itomoye; intangiriro z’umuziki we zisa nk’izitaramugoye kuko yakuriye mu biganza by’umugabo wo muri Uganda wakanyujijeho mu gutunganya indirimbo z’abahanzi.

Producer Washington yamaze hafi imyaka itatu yihariye isoko ry’umuziki w’u Rwanda. Benshi mu bahanzi nyarwanda basimburanaga muri Uganda kugira ngo uyu mugabo ahe umugisha indirimbo zabo. Izina rye si rimwe si kabiri ryagarutse mu itangazamakuru ryo mu Rwanda no mu ndirimbo yakoze icyo gihe.

Allioni ntiyarishije ahereye ku rugo ahubwo yahereye iw’abandi. Yavugwaga nk’umukobwa w’ikimero ukorana bya hafi na Producer Washington wo muri Uganda bigera n’aho bakora indirimbo. Uyu mugabo yiyambajwe na Urban Boys, Kamichi, Dream Boys, Kitoko n’abandi kandi ko indirimbo yabakoreye zatanze umusaruro.

Ibihe bya Allioni akorana na Producer Washington:

Imikoranire ya Allioni na Producer Washington yagiye ivugwaho byinshi bamwe bakabikura mu isura y’akazi borosaho umwenda w’urukundo. Mu bihe bitandukanye ibinyamakuru byo mu Rwanda no muri Uganda byavugaga kuri uyu mubano, banyirubwite bakabihakana.

Allioni mu biganiro bitandukanye yagiye agirana n’itangazamakuru, yavugaga ko inkuru z’urukundo rwe na Washington ari kimwe mu byakomeye mu nkokora iterambere ry’umuziki we.

Byanavuzwe ko Allioni atwite inda ya Producer David Ebangiti [Washington] n’ubwo itigeze ivuka. Mu 2014 urukundo rwabo rwarashimangiwe! Mu gusubiza Washington yavugaga ko itangazamakuru ryo mu Rwanda rihora rivuga ko akundana na Allioni kandi we afite umugore.

    Love this post? share among your friends
    •   
    •   
    •   
    •   
    •  

    Leave a Comment