Tanzania yemeje ko umuntu wa mbere yanduye Coronavirus

Mu itangazo Minisiteri y’Ubuzima yasohoye kuri uyu wa Mbere, yavuze ko uwanduye iyo ndwara ari umugore w’imyaka 46, wageze muri Tanzania kuri iki Cyumweru tariki 15 Werurwe 2020, avuye mu Bubiligi.

Yari mu ndege ya RwandAir yamugejeje ku Kibuga Mpuzamahanga cya Kilimanjaro, ndetse icyo gihe ibyuma bipima umuriro nk’ikimenyetso cy’ibanze cya Coronavirus, bisanga nta kibazo afite.

Yahise ajya muri hoteli ariko atangira kumererwa nabi, ajyanwa mu Bitaro by’Intara ya Mount Meru, aho arimo kwitabwaho n’abaganga. Ibizamini yafashwe byasuzumiwe muri laboratwari y’igihugu i Dar Es Salaam byemeje ko yanduye Coronavirus.

Uyu mugore yavuye muri Tanzania ku wa 3 Werurwe, asura abantu batandukanye muri Suède no mu Budage, asubira mu Bubiligi mbere yo kugaruka muri Tanzania.

Minisitiri w’Ubuzima wa Tanzania, Mwalimu Ummy, yasabye abaturage bafite ingendo zitihutirwa kuba bazisubitse, bakirinda gusuhuzanya bakoranaho ndetse bakita cyane ku isuku bakaraba intoki buri gihe cyose hari ikintu bagiye cyangwa bamaze gukora.
Igipimo bakoresha bagenzura umuntu waba ufite Corona Virus
Love this post? share among your friends
  •   
  •   
  •   
  •   
  •  

1 thought on “Tanzania yemeje ko umuntu wa mbere yanduye Coronavirus”

  1. Jean Felix Manirakiza

    Mu itangazo Minisiteri y’Ubuzima yasohoye kuri uyu wa Mbere, yavuze ko uwanduye iyo ndwara ari umugore w’imyaka 46, wageze muri Tanzania kuri iki Cyumweru tariki 15 Werurwe 2020, avuye mu Bubiligi.

    Yari mu ndege ya RwandAir yamugejeje ku Kibuga Mpuzamahanga cya Kilimanjaro, ndetse icyo gihe ibyuma bipima umuriro nk’ikimenyetso cy’ibanze cya Coronavirus, bisanga nta kibazo afite.

    Yahise ajya muri hoteli ariko atangira kumererwa nabi, ajyanwa mu Bitaro by’Intara ya Mount Meru, aho arimo kwitabwaho n’abaganga. Ibizamini yafashwe byasuzumiwe muri laboratwari y’igihugu i Dar Es Salaam byemeje ko yanduye Coronavirus.

    Uyu mugore yavuye muri Tanzania ku wa 3 Werurwe, asura abantu batandukanye muri Suède no mu Budage, asubira mu Bubiligi mbere yo kugaruka muri Tanzania.

    Minisitiri w’Ubuzima wa Tanzania, Mwalimu Ummy, yasabye abaturage bafite ingendo zitihutirwa kuba bazisubitse, bakirinda gusuhuzanya bakoranaho ndetse bakita cyane ku isuku bakaraba intoki buri gihe cyose hari ikintu bagiye cyangwa bamaze gukora.

Leave a Comment